केरा, नेपाली समुदायमा प्रमुख फलफुल बालि मानिन्छ | धेरै प्रचलनमा आउने केरा , तराई देखी पहाडसम्म करेसाबारीका रुपमा यत्रतत्र खेती गरिएको पाइन्छ भने कैलाली , चितवन , नवलपरासी, बर्दिया मोरंग, सुनसरी जस्ता जिल्लाहरुमा ब्यबसायिक खेति गरिएको देखिन्छ| धेरै जमिन भएकाले मात्र केरा खेति गर्नसक्छन भन्ने मान्यतालाई हटाउदै थोरै जमिन भएका किसानहरुले समेत यो व्यवसाय अंगाल्न सक्छन| हालको बदलिदो समयमा आधुनिक प्रबिधि अनुसार व्यावसायिक खेति प्रणालीको आवस्यकता भैसकेको देखिने हुदा, परम्परागत खेति प्रणालीमा सुधार गरिनुपर्ने देखिन्छ र विभिन्न किसिमका बालि मध्ये केरा बढी फस्टाउने र बढी फाइदा लिन सकिने नगदे बालीमा पर्दछ|
केराको बगैचामा विभिन्न रोग र किराहरुको आक्रमणले क्षति पुर्याएको देखिन्छ|किराहरुमा लाही किरा (एफिड), थ्रिप्स, गबारो (थाम र गानोमा लाग्ने) र नीमाटोड देखिने गर्दछ भने रोगहरुमा पानामा विल्ट अर्थात ओइलाउने रोग, सिगाटोका लिफ स्पोट (पातमा थोप्लो आउने रोग), बन्ची टप वाइरस (पात गुज्मुजिने रोग) केरामा देखिन्छन्|
केरामा देखिने किराहरु मध्ये केराको घुन अर्थात गबारो मुख्य मानिन्छ | रातमा सक्रिय र सुक्खा अवस्था सहन नसक्ने बस्यक घुन १०-१५ मि.मि. लामो र कालो रंगको हुन्छ | यो किरा उड्न नसक्ने हुनाले संक्रमण भएको बोटको माध्यमबाट मात्र यो किराको फैलावट एक क्षेत्रबाट अर्कोमा हुन्छ | यो किरा १-४ वर्ष सम्म बाच्न सक्दछ र हप्तामा एउटा मात्र अण्डा पार्ने गर्दछ जुन केराको थाम र गानोमा देखिन्छ |यसको लार्भाले पनि गानो र थाममा आक्रमण गर्दछ | यस किराको आक्रमणले गर्दा ४०-४५% बढी केराको बोटहरु नोक्सान भएको पाइन्छ |
लक्षण:
यस किराको आक्रमणले नयाँ जराहरु ननिस्कने, भएका जराहरु मर्ने जसले गर्दा बिरुवाले प्रशस्त खाध्यतत्व लिन नसक्ने हुदा बोटको वृद्धि बिकास कम हुने, ढिलो फल्ने र रोग किराको सजिलै आक्रमण हुनसक्छ र त्यसैगरी केराको बोट ढल्ने, मर्ने, घरिको तौल कम हुने कारणले गर्दा उत्पादनमा कमि आउछ |
फोटो: फल उत्पादनमा कमि फोटो: नबढेको सकर
ब्यबस्थापन
जैविक तरिकाबाट यो किराको न्यूनीकरण गर्नको लागि, सकर रोप्नुभन्दा पहिला २०% निमको झोलमा डुबाएर रोपेमा सकरमा घुनको आक्रमण हुदैन| त्यसैगरी रसायनिक विषादिमा १०-१२ ग्राम प्रतिबोट कर्बोफ्यूरानको गेडा प्रयोग गर्न सकिन्छ |
केरा खेति गर्ने किसानले सबैभन्दा पहिला रोग र कीराबाट संक्रमित नभएको सकर छान्नुपर्दछ |ब्यबसायिक रुपमा केरा खेति गर्दा टिस्युकल्चरबाट उत्पादित बोट रोप्दा रोग र किराको आक्रमणबाट बच्न सकिन्छ | टिस्युकल्चर गरिएको बेर्ना नपाएमा किसानहरुले गानो तयार गर्दा त्यसमा भएका घुन किराका अन्डा र लार्भाहरुलाई पूर्ण रुपमा हटाउनु पर्दछ | घुन तथा निमाटोडको नियन्त्रणको लागि सकर गानोलाई तातो पानिमा उपचार गर्ने गरिन्छ |हसियाले ताछेर रोप्नका लागि ठिक्क पारेको सकरको गानोलाई ५२-५५ डिग्री सेंटीग्रेड तातो पानीमा १५-२५ मिनेटसम्म डुबाएर उपचार गर्ने गरिन्छ | यो विधिले ५०-७५% किराको लार्भालाई मार्दछ र केरा बगैचाको सरसफाइमा पनि ध्यान गरेर केराको घुनबाट बिरुवालाई बचाउन सकिन्छ |
”सकेसम्म रासायनिक विषादिको न्यूनीकरण गरि जैविक पद्धतिबाट खेति गरेर वातावरण र मानव स्वास्थ्यलाई जोगाउन लागि परौँ |
१ ) फोटो: अन्डा ३) फोटो : प्युपा
२) फोटो: लार्भा ४)फोटो: वस्यक